ژمارەی گیان لەدەستدان بەهۆی لافاوە لە پاکستان تا دێت زیاد دەکات

ئاڤا نیوز

ماوەی دوو ڕۆژە بارابێکی بەخوڕ ناوچەکانی پاکستانی گرتووەتەوە و بەهۆیەوە سەدان کەس بوونەتە قوربانی.

چیڕۆکی سەرەکی: ڕۆژی هەینی 15-8-2025، بەهۆی بارانی وەرزییەوە، لافاو و ڕۆچوونی زەوی لە سەرانسەری باکووری پاکستان ڕووی دا و لە ئەنجامدا سەدان کەس لە ناوچە شاخاوییەکان گیانیان لەدەستداوە و برینداربوون.

بڵاوکراوەی فەرمی: دەسەڵاتدارانی پاکستان ڕایانگەیاند: لە ماوەی 48 کاتژمێری ڕابردوودا بەهۆی ڕۆچوونی زەوی و بارانی بەخوڕ  321 کەس  گیانیان لەدەستداوە کە زۆربەیان لە هەرێمی شاخاوی خەیبەر پختونخوان.

لەلایەکی دیکەوە: بەڕێوەبەرایەتی کەشناسی پاکستان، هۆشداریی بە خەڵکی ناوچەی باکووری ڕۆژئاوی پاکستان دا کە بارانبارین بەردەوام دەبێت بۆیە بۆ کاری پێویست نەبێت لە ماڵەکانیان دەرنەکەون و ژیانی خۆیان نەخەنە مەترسییەوە.