کۆمیسیۆن نزیکەی 300 کاندید لە هەڵبژاردن دوور دەخاتەوە

ئاڤا نیوز

لە دوایین ئاماردا، کۆمیسیۆنی باڵای سەربەخۆی هەڵبژاردنەکانی عێراق ئاشکرای کرد، 290 کاندید لە بەشداریکردن لە کێبڕکێی هەڵبژاردنی داهاتوودا بێبەش کراون.

وێنە گەورەکە: بڕیارە لە 11ـ11-2025، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، لە چوارچێوەی ڕێکارەکانی بەر لە هەڵبژاردن، کۆمیسیۆن تاوەکو ئێستا ژمارەیەک کاندیدی بەهۆکاری جیاجیا لە کێبڕکێکە دوورخستووەتەوە.

ڕاگەیێنراوی فەرمی: ئاژانسی هەواڵی فەرمیی عێراق لەسەر زاری سەرچاوەیەک لە کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: 290 کاندید لە کێبڕکێی هەڵبژاردنی داهاتووی پەرلەمان دوورخراونەتەوە.

هۆکارە زانراوەکان: هۆکارەکانی دوورخستنەوەی کاندیدەکان بەهۆی ڕێکارەکانی دەستەی لێپرسینەوە و دادپەروەری، تاوان، ناوزڕاندن و مێژووەوە بووە.