لە غەززە حەوت کەس بە هۆی برسیەتییەوە گیانیان لەدەستدا

ئاڤا نیوز

بەهۆی بەردەوامی هێرشی سەربازی و گەمارۆکانی ئیسرائیل بۆ سەر کەرتی غەززە کە برسیەتی لێکەوتووەتەوە، لە 24 کاتژمێری ڕابردوودا 7 فەڵەستینی گیانیان لەدەستداوە کە دووانیان منداڵ بوون.

چیرۆکی سەرەکی: هێرش و گەمارۆکانی ئیسرائیل بۆ سەر کەرتی غەززە بەردەوامن کە بووەتە هۆی برسیکردنی دانیشتووانەکەی، تا ئێستا ژمارەیەکی زۆریان بەهۆی برسیەتییەوە گیانیان لەدەست داوە.

ڕاگەیێنراوی فەرمی: وەزارەتی تەندروستی فەڵەستین لە غەززە لە ڕاگەیێنراوێکدا ڕایگەیاند، لە 24 کاتژمێری ڕابردوودا حەوت فەڵەستینی کە دووانیان منداڵ بوون، بە هۆی برسیەتی و بەدخۆراکییەوە گیانیان لەدەستداوە.

ژمارەکان وادەڵێن: ژمارەی ئەو کەسانەی کە بە هۆی برسیەتییەوە لە غەززە، لە 7ـی ئۆکتۆبەری ساڵی 2023ـەوە گیانیان لەدەستداوە، گەیشتە 258 کەس کە 110یان منداڵن.