گیانلەدەستدان بەهۆی لافاو لە پاکستان گەیشتە 337 کەس

ئاڤا نیوز

بەرپرسانی پاکستان ڕایانگەیاند، بەهۆی بارانی بەخوڕ و لافاوەوە لە باکووری رۆژهەڵاتی وڵاتەکە سەدان کەس بوونەتە قوربانی.
 
چیڕۆکی سەرەکی: لە رۆژی پێنجشەممەوە 14-8-2025، بەهۆی بارانبارینی بەخوڕی وەرزی کە  باکووری ناوچەی خەیبەر پاختونخوای لە باکووری رۆژهەڵاتی پاکستان و باکووری ئیسلامابادی گرتووەتەوە، بەهۆیەوە لافاو و ڕووچوونی زەوەی ڕوویداوە و تاوەکو ئێستاش بەردەوامە.

بڵاوکراوەی فەرمی: دەستەی رووبەڕووبوونەوەی کارەساتە سرووشتییەکانی هەرێمی خەیبەر پاختونخوای ڕایگەیاند: بەهۆی لافاو و ڕۆچوونی زەوی تاوەکو ئێستا 337 کەس گیانیان لەدەستداوە چەندین کەسی دیکەش بێسەروشوێن بوون.

ئەوەی پێشبینی دەکرێت: بەپێی زانیاریی دەسەڵاتدارانی ناوچەکە، پێشبینی دەکەن ژمارەی قوربانییان زیاتر بەرزبێتەوە، چونکە زیاتر لە  100 کەس بێسەروشوێن بوون.

 قووڵتر: بەهۆی  گۆڕانی کەشوهەوا  لەم ساڵانەی دواییدا پاکستان رووبەڕووی کارەساتی سرووشتی وێرانکەر بووەتەوە، بەپرسانی ئەو وڵاتە  دەڵێن، یەکێک لە هۆکارەکانی دیکەی هەبوونی قوربانی زۆر بریتییە لە  دروستکردنی خانوو لەسەر رێگەی رووبار، کانیاو و ئاو.