ماکرۆن: پووتین ئاشتی ناوێت

ئاڤا نیوز

سەرۆکی فەرەنسا دەڵێت، ڤلادیمێر پووتین، ئاشتیی لەگەڵ ئۆکراینا ناوێت، بەڵکو داوای خۆ بەدەستەوەدانی ئەو وڵاتە دەکات.

وێنە گەورەکە: بڕیارە ڕۆژی دووشەممە 18-8-2025، سەرکردەکانی ئەورووپا  و  ڤۆلۆدیمێر زێلێنسکی، سەرۆکی ئۆکراینا لەگەڵ دۆناڵد ترەمپ، سەرۆکی ئەمریکا لە کۆشکی سپی کۆببنەوە و تاوتوێی شەڕی ڕووسیا و ئۆکراینا بکەن.

لێدوانی فەرمی: ئیمانوێل ماکرۆن، سەرۆکی فەرەنسا لە بارەی کۆبوونەوەکە ڕایگەیاند: خواستی ئێمە لە کۆبوونەوەکە ئەوەیە، بەرەیەکی یەکگرتوو لە نێوان ئۆکراینا و هاوپەیمانە ئەورووپییەکان پێکبهێنین، گوتیشی ئێمە تەنیا بۆ بەرژوەندییەکانی ئەورووپا لە کۆشکی سپی دەبین نەک شاندی یاوەری زێلێنسکی بین.

ماکرۆن لە بارەی خواستی ڕووسیا بۆ ئاگربەست ڕایگەیاند، بە بڕوای من پووتین ڕاستکردنی ئۆکراینای دەوێت نەک ئاشتییەکی هەمیشەیی، ئێمەش ئاشتییەکمان دەوێت کە ڕێز لە سەروەری و یەکپارچەیی خاکی هەموو وڵاتان بگرێت.