سەرۆکی لوبنان بۆ ئێران: دەستوەردان لە کاروباری ناوخۆمان مەکەن

ئاڤا نیوز

جۆزێف عەون، سەرۆکی لوبنان دەڵێت: پەیامی لوبنان بۆ ئێران ڕوونە: "دەستوەردان لە کاروبارەکانمان مەکەن"، وتیشی: ئێمە ئاگادارمان کردوونەتەوە کە پەیوەندییەکان دەبێت لەسەر بنەمای ڕێزگرتنی یەکتربن.

وێنە گەورەکە: حکومەتی لوبنان پلانی هەیە حیزبوڵڵا چەک بکات ئەمەش لەلایەن حیزبوڵڵای ڕەتکرایەوە و پابەندبوونی خۆیان بە هێزی چەکداری ڕاگەیاند، هاوکات پشتیوانی ئێران بۆ ئەم هەڵوێستە بە ڕاشکاوی لەلایەن بەرپرسانی دیاری وەک عەباس عێراقچی، وەزیری دەرەوە و عەلی ئەکبەر ویلایەتی، ڕاوێژکاری ڕابەری باڵای ئێران دەربڕیوە.

ڕاگەیێنراوی فەرمی: جۆزێف عەون، سەرۆکی لوبنان ڕایگەیاند: لە ڕێککەوتنی "تایف" بە ڕوونی ئاماژەمان بەوە کردووە کە چەک سنووردارە و بەدەستی دەوڵەتی لوبنانەوەیە، هەر دەستوەردانێکی دەرەکی لە بڕیارە سەروەرییەکان رێگەپێدراو نییە".

زانیاریی زیاتر: لەبەرامبەر ئەو لێدوانانەی بەرپرسانی ئێران، وەزارەتی دەرەوەی لوبنان دوو بەیاننامەی جیاوازی بڵاوکردەوە و ئەو لێدوانانەی بەرپرسانی ئێرانی شەرمەزار کرد و بە "دەستوەردان لە کاروباری ناوخۆی لوبنان و ڕێزنەگرتن لە سەروەری وڵاتەکەی" وەسفی کرد.