ئۆکراینا گرێبەستێکی مێژووی لەگەڵ ئەمریکا دەکات

ئاڤا نیوز

ڕۆژنامەی فاینانشاڵ تایمز بڵاویکردەوە، بڕیارە ئۆکراینا بە بەهای سەدان ملیۆن دۆلار بۆ پاراستنی وڵاتەکەی  چەک لە ئەمریکا بکڕێت.

زانیاریی بەدەستهاتوو: ڕۆژنامەی فاینانشاڵ تایمز بە پشتبەستن بە بەڵگەنامەیەک بڵاویکردەوە، ئۆکراینا بە بڕی 100 ملیار دۆلار بە هاوکاری و پارەی ئەورووپا چەکی ئەمریکی بکڕێت، ئەمەش لە چوارچێوەی هەوڵەکانی بۆ دەستەبەرکردنی گەرەنتی ئەمنی لە واشنتن لە دوای ئەگەری ڕێککەوتنی ئاشتی لەگەڵ ڕووسیا.

ئەوەی لەوبارەیەوە دەگوترێت: هەر بەپێی بەڵگەنامەکە بێت، لەم ڕێککەوتنەدا  بڕی 50 ملیار دۆلار بۆ بەرهەمهێنانی فڕۆکەی بێفڕۆکەوان بە هاوبەشی لەگەڵ کۆمپانیا ئۆکرایناییەکان بەکاردەهێنرێت، هاوکات کڕینی 10 سیستمی بەرگری ئاسمانی 'پاتریۆت' و چەندین مووشەک و کەرەستەی سەربازی.

زانیاریی زیاتر: ئەمە لە کاتێکدایە کە دوێنێ سەرکردەکانی ئەورووپا و زێلێنسکی لە کۆشکی سپی بۆ تاوتوێکردنی ئاگربەستی ڕووسیا لەگەڵ دۆناڵد ترەمپ، سەرۆکی ئەمریکا کۆبوونەوە.