کۆمیسیۆنی پرۆسەی ئاشتی بە بەشداری دایکانی ئاشتی کۆدەبێتەوە

ئاڤا نیوز

ئەمڕۆ پێنجەم کۆبوونەوەی کۆمیسیۆنی هاوپشتی نیشتیمانی، برایەتی و دیموکراسی لە پەرلەمانی تورکیا بە بەشداری دایکانی ئاشتی دەکرێت، دایکانی گەریلا و سەربازانی تورک کە لە ماوەی چەند ساڵی ڕابردوو ڕۆڵەکانیان بەهۆی شەڕی نێوان پەکەکە و تورکیا کوژراون، دەچنە پەرلەمان و قسەی خۆیان دەبێت لەسەر پرۆسەکە.

چیرۆکی سەرەکی: کۆمیسیۆنی پەرلەمانی تورکیا کە بۆ پرۆسەی ئاشتی دامەزرا، ئەمڕۆ بۆ پێنجەمین جار کۆدەبێتەوە. لە بەشی  یەکەمی دانیشتنەکەدا گوێبیستی دایکانی شەممە و دایکانی ئاشتی دەبن. کە دایکی ئەو گەریلا و سەربازە تورکانەن لە ماوەی چەند ساڵی ڕابردوودا لە شەڕی نێوان پەکەکە و تورکیا کوژراون، لە دانیشتنی دووەمدا نوێنەرانی ڕێکخراوەکانی مافی مرۆڤ، بەشدار دەبن.

ئەوەی پێویستە بیزانیت: دوێنی چوارەم کۆبوونەوەی کۆمیسیۆنەکە بە سەرۆکایەتی نوعمان کورتوڵموش، سەرۆکی پەرلەمان بەڕێوەچوو، کورتوڵموش هۆشداری دایە ئەو کەسانەی کە هەوڵی تێکدانی پرۆسەکە دەدەن.

لێدوانی فەرمی: نوعمان کورتوڵموش، سەرۆکی پەرلەمانی تورکیا گوتی: لەم پرۆسەیەدا هیچ جۆرە بازاڕگێرییەک ناکرێت، پێویستە دەستبەجێ ماوەی چارەسەری سەرکەوتووانە کۆتایی بێت و تورکیا لە سەرەتاوە بوونیاد بنرێت.

زانیاریی بەدەستهاتوو: ئەمڕۆ پێنجەم کۆبوونەوەی کۆمسیۆنەکە دەکرێت و درێژە بە کارەکانی دەدات، کۆبوونەوەکە بە دوو بەش بەڕێوەدەچێت، لە بەشی یەکەمدا دایکانی شەممە و دایکانی ئاشتی بەشدار دەبن و قسەی خۆیان دەبێت لەسەر پرۆسەکە. لە بەشی دووەمی دانیشتنەکە، نوێنەرانی دەزگای خێرخوازی مرۆیی IHH کۆمەڵەی مەزڵومدەر و مافی مرۆڤ و تاهیر ئەلچی، دەزگای مافی مرۆڤ میوانداری دەکرێن.