ژینۆ محەممەد یەکێک لە سەرکردەکانی بەرەی گەل ئازاد کرا

ئاڤا نیوز

ژینۆ محەممەد، سەرۆکی لیستی بەرەی گەل لە بازنەی هەولێر، شەوی ڕابردوو لەچوارچێوەی شەڕ و ئاڵۆزییەکانی لالەزار دەستگیکرا، ئێوارەی ئەمڕۆ ئازاد کرا.

چیرۆکی سەرەکی: ئێوارەی ڕۆژی پێنجشەممە هێزە ئەمنییەكانی سلێمانی چواردەوری هۆتێل لالەزار و شوێنی نیشتەجێبوونی لاهوور شێخ جەنگی، سەرۆكی بەرەی گەلیان گرت و دوای گرژی و ڕووبەڕوو بوونەوە، دواجار بەرەبەیانی ئەمڕۆ لاهوور شێخ جەنگی و پۆڵاد شێخ جەنگی برای و ڕێبوار حامید حاجی غالی بەرپرسی هێزی دووپشكی سەر بە لاهوور شێخ جەنگی دەستگیر كران، جگە لەوانەش هەر یەک لە ژینۆ محەممەد و فێنک محەممەد دەستگیرکران.

لێدوانی فەرمی: محەممەد ئیسماعیل، باوکی ژینۆ محەممەد بە ئاڤای گوت، "سوپاس بۆ خوای گەورە ژینۆ خانی کچم بەسەلامەتی گەڕایەوە ناو خانەوادەکەمان."

ئەمەش بزانە: دوای چوار کاتژمێر ڕووبەڕووبوونەوەی هێزە ئەمنییەکان لەگەڵ هێزەکانی لاهوور شێخ جەنگی، پێنج کەس لە هێزە ئەمنییەکان کوژراون و 19 ـی دیکەش بریندار بوون.