تورکیا بە هێڵی ئاسن ئازەربایجان و نەخچەوان پێکەوە دەبەستێتەوە

ئاڤا نیوز

تورکیا دەستیکرد بە دروستکردنی ڕێگایەکی شەمەندەفەر کە بە هۆیەوە هەرێمی نەخچەوانی ئازەربایجان بە بەشە سەرەکییەکەی ئازەربایجانەوە دەبەستێتەوە.

شێوازی جێبەجێکردن: پڕۆژەکەی تورکیا لە چوارچێوەی ڕێککەوتنی ئاشتیی نێوان ئەرمینیا و ئازەربایجان و پڕۆژەی دۆناڵد ترەمپ، سەرۆکی ئەمریکا بۆ کردنەوەی ڕێڕەوێک بۆ جووڵەی ئازاد لە ناوچەکە جێبەجێ دەکرێت.

زانیاریی زیاتر: هێڵی ئاسنییەکە لە پارێزگاری قارسی تورکیاوە دەستپێدەکات، 224 کیلۆمەتر درێژە، ساڵانە 5.5 ملیۆن ڕێبوار و 15 ملیۆن تۆن کەلوپەل دەگوازێتەوە.

بابەتە ستراتیژییەکە: چاوەڕێ دەکرێت ئەم پڕۆژەیە ئاشتیی نێوان ئەرمینیا و ئازەربایجان بەهێزتر بکات و هەروەها ڕۆڵی لە بوژانەوەی ئابووری و بازرگانیی ناوچەکەدا هەبێت.