حکومەت دەتوانێت پارەی باج و ئاو و کارەبا لە هەژمارەکەت دەربهێنێت؟

ئاڤا نیوز

 

حکومەتی هەرێمی کوردستان سەبارەت بەو دەنگۆیانەی کە باس لەوە دەکەن، حکومەت لە ڕێگەی هەژماری منەوە پارەی ئاو و کارەبا لە هەژمارەکەت دەردەهێنێت ڕوونکردنەوە دەدات و ئەو دەنگۆیانە ڕەتدەکاتەوە.

 

وێنە گەورەکە: پرۆژەی هەژماری من دەستپێشخەرییەکی حکومەتی هەرێمی کوردستانە بۆ بەرەوپێشبردنی کەرتی بانکی و بەدیجیتاڵکردنی پارەدان بۆ تەواوی مووچەخۆران کە ئەمەش پشتبەستن بە مامەڵەی کاش کەم دەکاتەوە، لەلایەکی دیکەوە کارایی حکومەت و شەفافیەت زیاتر دەکات.

 

ڕاگەیێنراوی فەرمی: فەرمانگەی میدیا و زانیاریی سەبارەت بەو دەنگۆیانەی کە دەگوترێت حکومەت لە ڕێگەی هەژماری منەوە پارەی باج و ئاو و کارەبا لە هەژمارەکەت دەردەکات، ڕایگەیاند: هیچ جۆرە کەمکردنەوەیەک لە مووچەکەتدا ناکرێت بەبێ ڕەزامەندیی خۆت و بەپێی ڕێنمایی و یاساکان هیچ لایەنێکی گشتی و تایبەت دەسەڵاتی دەستبردنی بۆ هەژمارەکەت نییە. 

 

بۆچی گرنگە: پرۆژەی هەژماری من، پرۆژەیەکی حکومەتی هەرێمی کوردستانە بۆ بەدیجیتاڵیکردنی کەرتی بانکی و پارەدان، لە ڕێگەیەوە دەتوانیت مووچەکەت بەبێ سەرەگرتن لە بانک وەربگریت و مامەڵەکردن بە پارەی کاش کەمدەکاتەوە.