ئێران: ئیسرائیل بۆ ڕاگرتنی شەر پەنای بۆ ئەمریکا بردووە

ئاڤا نیوز

وتەبێژی وەزارەتی بەرگری ئێران ڕایگەیاند، ئیسرائیل ئامانجی زۆری هەبوو لە دەستپێکردنی هێرشەکانی دژی وڵاتەکەمان، بەڵام سەرکەوتوو نەبوو لە بەجێهێنیان و لە کۆتایی دا ناچار بوو جەنگ ڕابگرێت.

وێنە گەورەکە: لەگەڵ بەردەوامی گرژی و هۆشدارییەکانی نێوان ئیسرائیل و ئێران، وتەبێژی وەزارەتی بەرگری ئێران ڕایگەیاند، ئیسرائیل شەڕی بەسەر ئێراندا سەپاند بە ئامانجی دابەشکردنی وڵات و لاوازکردنی دەسەڵاتەکەی، بەڵام دواجار بۆ کۆتاییهێنان بە شەڕەکە سواڵی کرد.

لێدوانی فەرمی: محەممەد ڕەزا تەلابی ناکی، وتەبێژی وەزارەتی بەرگری ئێران ڕایگەیاند:  "ئیسرائیل ڕووی لە ئیدارەی ترەمپ کردووە بۆ یارمەتیدانی لە شەر'' و گوتیشی، ئەم شەرە زۆر لە سەر ئیسرائیل کەوتووە و باجی قورسی داوە چونکە ژێرخانی سەربازی وێران بووە.

باکگراوند: شایانی باسە کە لە مانگی حوزەیرانی  ڕابردوودا ئیسرائیل هێرشی بەرفراوانی کردە سەر چەند شوێنێکی سەربازی و ئەتۆمی ئێران و بۆ ماوەی 12 ڕۆژ شەرکە بەردەوام بوو و دواتر ئەمریکا دەستێوەردانی کردوو و ئاگربەستی ڕاگەیاند.