مەسرور بارزانی: پێویستە حكومەتی فیدڕاڵ قەرەبووی كەسوكاری قوربانیانی ئەنفال بكاتەوە

ئاڤا نیوز

سەرۆكوەزیران مەسرور بارزانی ڕایدەگەیەنێت، "پێویستە حكومەتی فیدڕاڵ قەرەبووی كەسوكاری قوربانییانی جینۆسایدی ئەنفال بكاتەوە.

چیرۆكی سەرەكی: ئەمڕۆ دووشەممە 25ـی ئابی 2025، 37ـەمین ساڵیادی ئەنفالی بادینانە، كە ڕژێمی پێشووی عێراق لەدرێژەی جێبەجێکردنی پلانە نەگریسەکانی بۆ جینۆسایدکردنی کوردستانیان، خەڵکی سڤیلی بادینانی لە قەڵای نزاركێ کۆکردەوە، و بەشێکی زۆریانی ڕەوانەی زیندان و بیابانەکانی باشووری عێراق کرد و دوور لە ھەموو بەھا مرۆییەکان جینۆسایدی کردن.

پەیامی فەرمی: مەسرور بارزانی، سەرۆكی حكومەتی هەرێمی كوردستان لە تۆڕی كۆمەڵایەتی ئێكس پەیامێكی لەو ساڵیادە كارەساتبارە بڵاوكردەوە و ڕایگەیاند، "بە ڕێز و شكۆوە، یادی قوربانییانی ئەو تاوانە دڕندانەیەی ڕژێمی پێشووی عێراق دەكەینەوە، پێویستە حكومەتی فیدڕاڵ، قەرەبووی كەسوكاری قوربانییانی جینۆسایدی ئەنفال بكاتەوە، سڵاو لە گیانی پاكی قوربانییانی جینۆسایدی ئەنفال و گشتی شەهیدانی كوردستان."