ترەمپ: من دیکتاتۆر نیم

ئاڤا نیوز

دۆناڵد ترەمپ، سەرۆکی ئەمریکا، لە کۆنگرەیەکی ڕۆژنامەوانیدا لە ئۆڤڵ ئۆفیس، ڕایگەیاند، "خەڵکێکی زۆر دەڵێن: "ڕەنگە دیکتاتۆرێکمان بوێت"، بەڵام من حەزم بە دیکتاتۆر نییە".

 

لێدوانی فەرمی: لە وەڵامی ئەو پرسیارانەی کە باس لە مەیلی تاکڕەوانەی سیاسەتەکانی دەکەن، بەتایبەت لەبارەی کۆچبەری و ئاسایشەوە، ترەمپ ڕایگەیاند: "خەڵکێکی زۆر دەڵێن 'ڕەنگە دیکتاتۆرێکمان بوێت'. من حەزم لە دیکتاتۆرەکان نییە، من پیاوێکی زۆر عاقڵ و زیرەکم."

لەلایەکی دیکە: دۆناڵد ترەمپ هەروەها ئاشکرای کرد کە بەنیازە ناوی وەزارەتی بەرگریی ئەمریکا بگۆڕێت بۆ "وەزارەتی جەنگ". ئەم ناوە لە ساڵی 1789 تا 1949 لە ئەمریکا بەکارهاتووە. ترەمپ ناوی ئێستای وەزارەتەکەی بە "زۆر بەرگریکارانە" زانی و جەختی لەوە کردەوە: "دەمانەوێت هێرشبەر بین."

زانیاریی زیاتر: سەرۆکی ئەمریکا ئاماژەی بەوەشدا کە بۆ ئەنجامدانی ئەم گۆڕانکارییە، پێویستی بە دەنگدانی کۆنگرێس نابێت.