ئاڤا نهێنی کۆبوونەوەکەی مەکتەبی سیاسیی یەکێتی ئاشکرا دەکات

ئاڤا نیوز

ئەمڕۆ کۆبوونەوەی مەکتەبی سیاسیی یەکێتی نیشتمانی کوردستان کرا و ڕووداوەکانی سلێمانی و پرسی دەستگیرکردنی لاهوور جەنگی تەوەری سەرەکی کۆبوونەوەکە بوون.

زانیاریی ئاڤا: بەگوێرەی زانیارییەکانی ئاڤا ئەمڕۆ سێشەممە، لە کۆبوونەوەی مەکتەبی سیاسیی یەکێتی لە سلێمانی چەند تەوەرێک باسکران، لەوانە ڕووداوەکانی ڕۆژی هەینی لالەزار و پرسی دەستگیرکردن و مامەڵەکردن لەگەڵ لاهوور جەنگی تەوەری سەرەکی کۆبوونەوەکە بوون.

تەوەرێکی دیکەی کۆبوونەوەکەی مەکتەبی سیاسیی یەکێتی، ئەو کۆنفرانسەی بەرەی پێشکەوتنخوازی سۆشیالیستەکان بووە کە زۆرینەی حیزبەکان تێدا ئامادە دەبن، هەروەها کۆبوونەوەی حیزبە کوردییەکانی هەر چوار پارچەی کوردستان کە بڕیارە ڕۆژی پێنجشەممەی داهاتوو بکرێت.

ئەوەی پێویستە بیزانیت: لە کۆنفرانسەکەدا سەرۆککۆماری عێراق، سەرۆکی هەرێمی کوردستان و زۆرینەی سەرۆک حیزبەکانی دیکە لەگەڵ شارەزایانی بوارە جیاجیاکان قسەیان دەبێت.