فەرەنسا بۆ نەخۆشخانەکانی وڵاتەکەی: ئامادەکاری بۆ ئەگەری جەنگ لە ئەوروپا بکەن

ئاڤا نیوز

ڕۆژنامەیەکی فەرەنسی ئاشکرای دەکات، وەزارەتی تەندروستیی فەرەنسا داوای لە نەخۆشخانەکانی وڵاتەکەی کردووە خزمەتگوزراییەکانیان ئامادە بکەن ئەگەری سەرهەڵدانی جەنگ.

 

زانیاریی بەدەستهاتوو: ڕۆژنامەی "لۆ کەنار ئۆنشینیێ"ی فەڕەنسی، بە پشتبەستن بە  بەڵگەنامەیەک بڵاوی کردەوە، داوا لە بنکە  تەندروستییەکانی هەرێمەکان کراوە، خزمەتگوزاری چاودێریی تەندروستی تاوەکوو مانگی ئاداری ساڵی داهاتوو بۆ "ئەگەری جەنگ" ئامادە بکەن.

 

ئەوەی لەو بارەیەوە دەگوترێت: هەر بەپێی ڕۆژنامەکە کاترین فۆتر، وەزیری تەندروستیی فەڕەنسا، فەرمانی دەرکرد نەخۆشخانەکانی وڵاتەکە ئامادە بن بۆ پێشوازیکردن لە هەزاران سەربازی بریندار، لە ئەگەری ڕوودانی ململانێیەکی چەکداریی بەرفراوان لە ئەوروپا.

 

قووڵتر: فەرەنسا  پلانی هەیە ناوەندیی پزیشکی دابمەزرێنێت بۆ پێشوازی کردن لە بریندارانی شەڕ لە نزیک وێستگەکانی پاس و شەمەندەفەر یان بەندەر  و فڕۆکەخانە بەشێوەیەک بتوانن ڕۆژانە پێشوازی لە نزیکەی  100  بۆ 250 کەس بکەن.