زیاتر لە 17 هەزار فەرمانبەری سلێمانی زەویان بەسەردا دابەش دەکرێت

ئاڤا نیوز

 

سەرۆکایەتیی شارەوانیی سلێمانی ناوی ئەو فەرمانبەرانە ئاشکرا دەکات، کە ئەمڕۆ زەویان بەسەردا دابەش دەکرێت.

 

وێنە گەورەکە: لە کابینەی نۆیەمی حکومەتی هەرێمی کوردستان بڕیاری دابەشکردنی زەوی بەسەر فەرمابەران و خانەنشین و پێشمەرگەدا درا، نزیکەی ساڵێکە هەنگاوەکانی ئەم پرۆسەیە دەستیپێکردووە و چەند قۆناغێکی بڕیووە.

 

بڵاوکراوەی فەرمی: ڕۆژی 28-8-2025، سەرۆکایەتیی شارەوانیی سلێمانی لیستی ناوی ئەو فەرمانبەرانەی بڵاو کردەوە، کە ئەمڕۆ پێنجشەممە بەشێوەی تیروپشک زەویان وەرگرتووە.

 

زانیاریی زیاتر: 17 هەزار و 827 فەرمانبەر لە تیروپشکەکەدا زەویان بەسەردا دابەش کراوە.  

 

ئەوەی پێویستە بیزانیت: ئەو زەوییانەی شارەوانیی سلێمانی بەسەر فەرمانبەراندا دابەشی کردوون، دەکەونە ئەم شوێنانە: گەڕەکی لاوان کە دەکەوێتە تانجەرۆ، گەڕەکی فەرمانبەران کە دەکەوێتە نزیک تاسڵوجە، گوندی سۆتکە کە دەکەوێتە نزیک فەرماندەیی یەکەی حەفتا لەسەر ڕێگەی تاسڵوجە - سلێمانی.