ڕووسیا شارێکی دیکەی ئۆکراینا کۆنترۆڵ دەکات

ئاڤا نیوز

وەزارەتی بەرگریی ڕووسیا سەرکەوتنی هێزەکانی بە چوونە نێو شارێکی دیکەی ئۆکراینا ڕادەگەیەنێت و بەکارهێنانی مووشەکی "کینژال" لە هێرشەکاندا ئاشکرا دەکات.

 

وێنە گەورەکە: سەرەڕای کۆبوونەوەی هەریەک لە دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا بۆ کۆتاییهێنان بە جەنگی نێوان ڕووسیا و ئۆکراینا، ڕووسیا هێرشی زەمینی و ئاسمانی بۆ سەر ئۆکراینا دەستپێکردەوە.

 

بڵاوکراوەی فەرمی: وەزارەتی بەرگریی ڕووسیا ئەمڕۆ پێنجشەممە لە بڵاکراوەیەکی فەرمیدا هێرشێکی فراوانی سوپای وڵاتەکەی بۆ سەر ئۆکراینا ڕاگەیاند، لە بڵاوکراوەکەدا هاتووە: "سوپای ڕووسیا سەرکەوتوو بوو لە ئازاد کردنی شاری نیلوبیۆڤکا لە هەرێمی دۆنێتسک و پێگە سەربازییەکانی ئۆکراینا بە مووشەکی "کینژال" لە دەوروبەری شارەکە کرانە ئامانج.