كەسی یەكەمی داعش لە غەززە کوژرا

ئاڤا نیوز

 

سوپای ئیسرائیل لە ڕاگەیێنراوێکدا کوژرانی کەسێکیان لە کەرتی غەززە ڕاگەیاند و دەڵێن،  كەسی یەكەمی داعشە لە کەرتی غەززە.

 

ڕاگەیێنراوی فەرمی: ڕۆژی شەممە 30-8-2025، سوپای ئیسرائیل لە ڕاگەیێنراوێكدا لە تۆڕی کۆمەڵایەتیی ئێکس ڕایگەیاند: 'محەممەد عەبدولعەزیز ئەبو زوبەیدە'یان کوشتووە کە وەک خۆیان دەڵێن ئەو کەسە، كەسی یەكەمی داعش بووە لە غەززە.

 

سوپای ئیسرائیل لە بڵاوکراوەکەدا ئاماژە بەوە دەکات کە ئەبو زوبەیدە لە ئۆپەراسیۆنێکدا لە ناوچەی بورێج کوژراوە.

 

ئەوەی لەوبارەیەوە دەگوترێت: ئیسرائیل دەڵێت، محەممەد عەبدولعەزیز ئەبو زوبەیدە  بەرپرسیار بووە لە دانانی سیاسەت و پلاندانان بۆ ئۆپەراسیۆنەکان و سەرپەرشتیکردنی  سەرجەم هێرشەکان لە سەرتاسەری غەززە و کەناری ڕۆژئاوا و نیمچە دورگەی سینا.