کۆمپانیای مێتا تایبەتمەندییەکی نوێ بۆ بەکارهێنەران زیاد دەکات

ئاڤا نیوز

 

کۆمپانیای مێتا ڕاگەیاند، تایبەتمەندییەکی نوێی بۆ فەیسبووک و ئینستاگرام زیاد کراوە ئەویش تایبەتمەندی وەرگێرانی دەنگییە، ئەویش بە بەکارهێنانی ژیریی دەستکرد و ئامانجیش لێی فراوانتر کردنی بوارەکانی ژیریی دەستکردە.

 

لێدوانی فەرمی: کۆمپانیای مێتا ڕاگەیاند، بۆ هەر یەکە لە ئینستاگرام و فەیسبووک تایبەتمەندی وەرگێران بۆ ڕیل یان ڤیدیۆکانی هەردوو پلاتفۆرمەکە زیاد کراوە، بە شێوەیەک کە ناوەرۆکی زانیارییەکانی ڤیدیۆکە بە ژیریی دەستکرد و بە هەمان دەنگ وەردەگێرێت بۆ زمانەکانی دیکە.

لە سەرەتای بەردەستبوونی تایبەتەمەندییەکە، ژیریی دەستکرد تەنیا  وەرگێڕان لە ئینگلیزییەوە بۆ ئیسپانی و بە پێچەوانەشەوە دەکات، وەک کۆمپانیاکە دەڵێت، لە داهاتوودا پلانی زیادکردنی زمانی زیاتریان هەیە.

 

زانیاریی زیاتر: تایبەتمەندییەکە سەرەتا  بۆ بەکارهێنەرانی  فەیسبووک کە هەزار فۆڵۆوەر یان زیاتریان هەیە و هەموو هەژمارە گشتییەکانی ئینستاگرام بەردەست دەبێت.

 

چۆنێتیی بەکارهێنان: پێش بڵاوکردنەوەی ڤیدیۆیەکی (Reels)، دروستکەران دەتوانن پەنجە بخەنە سەر بژاردەی “Translate your voice with Meta AI” بۆ چالاککردنی وەرگێڕان.