عێراق مووچەی مانگی نۆ دابەش دەکات

ئاڤا نیوز

ئەمڕۆ وەزارەتی کار و کاروباری کۆمەڵایەتیی عێراق هەواڵی دابەش کردنی مووچەی خانەنشینکراوانی بیمەکراوی بۆ مانگی ئەیلوول وەک یەکەم وەزارەتی حکومەتی عێراق ڕاگەیاند.

 

ڕاگەیێنراوی فەرمی: خلود حەیران فنجان، بەڕێوەبەری گشتیی بەڕێوەبەرایەتیی خانەنشین و دەستەبەری کۆمەڵایەتیی وەزارەتی کار ڕایگەیاند، وەزارەت دەستیکرد بە دابەشکردنی مووچەی خانەنشینکراوانی بیمەکراو بۆ مانگی ئەیلولی 2025 لە بەغدا و پارێزگاکان، بەڕێوەبەرایەتییەکە سەرجەم ڕێکارەکانی پەیوەست بە خەرجکردنی مووچەی فەرمانبەرانی تەواو کردووە.

 

ناوبراو داوای لە سەرجەم خانەنشینان کرد: "سەردانی ئەو شوێنە پەسەندکراوانە بکەن بۆ وەرگرتنی مووچەکانیان."

 

ئەوەی پێویستە بیزانیت: حکومەتی عێراق هەموو سەرە مانگێك تەواوی مووچەی فەرمانبەران و خانەنشینانی خۆی بێ دواخستن خەرج دەکات، بەڵام مووچەی فەرمانبەرانی هەرێمی کوردستان بەردەوام دوا دەخات.