سەرۆکوەزیران بارزانی: لەگەڵ هەڵبژاردنێکی یاسایی و پاک و بێگەردین

ئاڤا نیوز

سەرۆکوەزیران بارزانی لەبارەی هەڵبژاردنی پەرلەمانی کوردستان ڕایدەگەیێنێت، لەگەڵ هەڵبژاردنێکی یاسایی و شەرعی و دەستوورین کە لە هەلومەرجێکی ڕەوا و پاک و بێگەرد  بکرێت.

 

چیرۆکی سەرەکی: ئەمڕۆ شەممە سەرۆکوەزیران بارزانی لەگەڵ ئەلینا ڕۆمەناوسکی، باڵیۆزی ئەمریکا لە عێراق کۆبووەوە و گفتوگۆیان کرد لەبارەی پرۆسەی هەڵبژاردن، ڕێزگرتن لە قەوارەی فیدراڵی هەرێمی کوردستان، ناردنی شایستە داراییەکان لەڕێگەی حکومەتی هەرێمی کوردستان و پێشچوونەکانی پڕۆژەی "هەژماری من".

ڕاگەیێنراوی فەرمی: لە کۆبوونەوەکەدا بە گرنگی باسی پرۆسەی هەڵبژاردن کراوە و سەرۆکوەزیران بارزانی دووپاتی کردووەتەوە: "ئێمە دوو ساڵە داوای ئەنجامدانی هەڵبژاردن دەکەین، ئێستاش لەگەڵ هەڵبژاردنێکی یاسایی و شەرعی و دەستوورین کە لە هەلومەرجێکی ڕەوا و پاک و بێگەرد بکرێت".

زانیاریی زیاتر: لەبارەی کێشەکانی نێوان هەولێر و بەغداش سەرۆکوەزیران بارزان جەختی کردووەتەوە؛ "هەرێمی کوردستان هەموو ئەرکە دەستوورییەکانی خۆی جێبەجێ کردووە، بۆیە ناکرێت چیتر مافەکانی پێشێل بکرێت کە لە دەستووردا زۆر بەڕوونی دانیان پێدا نراوە". 

 

لەلایەکی دیکەوە: باڵیۆزی ئەمەریکا پشتیوانی خۆی بۆ چارەسەرکردنی کێشەکانی نێوان هەرێمی کوردستان و حکومەتی فیدراڵ لەڕێگەی گفتوگۆ و لە چوارچێوەی دەستوور دەربڕیوە.