ئاڤای خەڵک؛ گەڕەکێکی هەریر ماوەی یەک ساڵە قیرتاوکردنی کۆڵانەکانی وەستێنراوە

ئاڤا نیوز

دانیشتووانى گەڕەکی فەرەنسۆ هەریری لەشارۆچکەی هەریر کێشەی تەواونەکردنی قیرتاوكردنى كۆڵانه‌كانیان هەیە. قایمقامی قەزاکەش دڵنیایی دەدات لە تەواوکردنی پڕۆژەکە.

وێنە گەورەکە: 300 ماڵ لە گەڕەکی فەرەنسۆ هەریری لە قەزای هەریر هەن، کێشەی تەواونەکردنی قیرتاوکردنی گەڕەکەکەیان هەیە کە بۆ ماوەی ساڵێک دەبێت دەست بەکارەکانی قیرتاوکردنی گەڕەکەکە کراوە. بڕیاربوو پڕۆژەکە لەماوەی هەشت مانگ دوای دانانی بەردی بناغەکەی تەواو بکرێت، بەڵام بەهۆی کێشەی دارایی کارکردن لە پرۆژەکە دواکەوت و ماوەیەک وەستا، تەواونەکردنی پڕۆژەکە ماڵەکانی ئەو گەڕەکەی نیگەران کردووە.

لێدوانی فەرمی: شێروان جەلال، قایمقامی قەزای هەریر بەئاڤای ڕاگەیاند: ئێستا دەست بە تەواوکردنی کارەکانی پڕۆژەکە کراوەتەوە، بڕیارە تا تەواو دەکرێت کارەکانی نەوەستێندرێت.

- ئێستا لە قۆناغی پشکنینی خاکی گەڕەکەکەن و کۆمەڵێک پشکنینی بۆ دەکرێت، بۆیە تاوەکو دەرەنجامی پشکنینەکان دەگەڕێتەوە کارەکان وەستێندراون.

- ئەگەر دەرەنجامی پشکنینەکان گەڕایەوە و گونجاو و باشبوون یەکسەر دەست بە قۆناغی دواتر دەکرێت، "هاونیشتمانیانی خۆمان دڵنیا دەکەینەوە کە پڕۆژەکە تەواو دەکرێت و هیچ خەمیان نەبێت".