کۆمیسیۆن: زیاتر لە 3.5 ملیۆن دەنگدەر تۆماری بایۆمەتری دەنگدانی نوێ کردووەتەوە

ئاڤا نیوز

 

بەپێی ئامارەکانی کۆمیسیۆنی باڵای سەربەخۆی هەڵبژاردنەکانی عێراق لە ساڵی 2024ـەوە تا ئێستا زیاتر لە سێ ملیۆن و 500 هەزار کەس تۆماری بایۆمەتری دەنگدەرانی نوێ کردووەتەوە.

 

وێنە گەورەکە: لە چوارچێوەی ئامادەکارییەکانی کۆمیسیۆن بۆ هەڵبژاردنی پەرلەمانی عێراق کەوا بڕیارە لە 11/11/2025 بەڕێوەبچێت، هەزار و 70 بنکەی نوێ کردنەوەی تۆماری دەنگدەران کراونەتەوە بۆ نوێ کردنەوەی زانییاریەکانی تایبەت بە دەنگدەران و تۆمار کردنی ئەو کەسانەی تەمەنیان دەبێتە 18 ساڵ و بۆ یەکەمجار بەشداری هەڵبژاردن دەکەن.

 

زانیاریی بەدەستهاتوو: بەگوێرەی ئامارەکانی کۆمیسیۆن لە ساڵی 2024 ەوە تا ئێستا سێ ملیۆن و 584 هەزار و 829 کەس تۆماری بایۆمەتری نوێ کردووەتەوە و پێدانەوەی کارتی بایۆمەتری دەنگدانیش لە ڕێگەی هەزار و 79 بنکە بەردەوامە.

 

لەلایەکی دیکەوە: جومانە غەلای، وتەبێژی کۆمیسیۆنی باڵای سەربەخۆی ‌هەڵبژاردنەکانی عێراق ڕایگەیاند: ئەنجوومەنی کۆمیسیاران ژمارە و چۆنیەتی دابەش کردنی بنکە و وێستگەکانی دەنگدانی پەسەند کرد.

 

ژمارەکان وادەڵێن: ژمارەی بنکە و وێستگەکانی دەنگدان و ژمارەی دەنگدەران بەم جۆرەیە:

-ژمارەی بنکەکان: هەشت هەزار و 703 بنکە. 
-ژمارەی وێستگەکان: 39 هەزار و 285 بنکە.
-ژمارەی دەنگدەرانی هەر ویستگەیەک: 550 بنکە.
-ژمارەی دەنگدەرانی گشتیی عێراق: 20 ملیۆن و 63 هەزار و 773 بنکە.