ئاڤا میدیا سپۆنسەری میدیایی گەورەترین مەولوودی هەولێر دەكات

ئاڤا نیوز

لەنێو بازاڕی شاری هەولێر، گەورەترین چالاكیی هونەری و مەولوود بە بۆنەی یادی لەدایكبوونی محەممەد، پێغەمبەری ئیسلام (د.خ) ئەنجام درا و ئاڤا میدیا، سپۆنسەری میدیایی ئەو چالاکییە بوو.

وێنە گەورەکە: 12ـی ڕەبیعولئەوەل لە ساڵنامەی کۆچی یادی لە دایکبوونی پێغەمبەر محەممەدە (د.خ)، ساڵانە ئەو ڕۆژە لە وڵاتانی ئیسلامی دەکرێتە پشوو، موسڵمانانیش لە سەرتاسەری جیهان بە شێوازی جیا و بە چوونە مزگەوت و مەولوود خوێندنەوە و بەخشینەوەی خێر و شیرینی یادی ئەو ڕۆژە دەکەنەوە.

زانیاریی زیاتر: دەیان هەزار كەس ئامادەی بینینی مەولوودە گەورەكەی ئاڤا میدیا بوون لە بەردەم قەڵای هەولێر، گرووپێكی میوزیكی بەشداربوون و لەلایەن هەریەك هەردوو سروودبێژی ناسراوی كورد 'شەهرام مەنسووری و ئەیاد محەممەد' چەندین سروودی ئایینی و تایبەت بە بۆنەكەیان پێشکەشکرد.