وەزیری دەرەوەی فەرەنسا لە وەسفی سەرۆک بارزانی: سەرکردەی مێژوویی کورد

ئاڤا نیوز

ئێوارەی ئەمڕۆ هەینی، سەرۆک بارزانی لە باڵەخانەی وەزارەتی دەرەوەی فەرەنسا  لەگەڵ ژان نۆوێل بارۆ، وەزیری دەرەوەی فەرەنسا کۆبوونەوە.

چیرۆکی سەرەکی: دوای نیوەڕۆی ئەمڕۆ لە پاریسی پایتەختی فەرەنسا، سەرۆک بارزانی سەردانی تەلاری وەزارەتی دەرەوەی فەرەنسای کرد و لەلایەن ژان نۆوێل بارۆ، وەزیری دەرەوەی فەرەنسا پێشوازی لێکرا و کۆبوونەوە.

زانیاریی پەیامنێر: لە کۆبوونەوەکەدا جەخت لە پتەوکردنی پەیوەندییەکانی نێوان گەلی کورد و فەرەنسا کرایەوە، هاوکات باس لە ڕووبەڕووبوونەوەی بیری تووندڕەوی داعش لە ناوچەکە کرایەوە و مەترسییەکانی سەرهەڵدانەوەی داعش باسی لێوەکرا.

بڵاوکراوەی فەرمی: ژان نۆوێل بارۆ، وەزیری ئەوروپا و کاروباری دەرەوەی فەرەنسا، لە ئەکاونتی خۆی لە تۆڕی ئێکس ڕایگەیاند، لەمەودوا شەقامێک لە شاری پاریسی پایتەختی فەرەنسا بە ناوی "پێشمەرگە" دەبێت. ئەم هەنگاوە وەک دانپێدانانێکی هەمیشەیی فەرەنسا بە ڕۆڵی برا کوردەکان لە شەڕی دژی ڕێکخراوی تیرۆریستی داعشدا دێت.

زانیاریی زیاتر: لەگەڵ سەرۆک بارزانی، سەرکردەی مێژوویی کورد، کۆبوومەوە و گفتوگۆمان دەربارەی بەهێزکردنی پەیوەندییەکانی نێوان فەرەنسا، عێراق و هەرێمی کوردستان کرد. پەرەپێدانی پەیوەندییەکان لە پێناو سوودگەیاندن بە سەقامگیری ناوچەکە دایە. بارۆ وای نووسیوە.