لە هەڵەبجە تەرمی دایک و کچێک لەنێو ماڵەکەیان دۆزرانەوە

ئاڤا نیوز

لە هەڵەبجە تەرمی دایک و کچێک لەنێو ماڵەکەیان دۆزراوەنەتەوە و گومان دەکرێت کوژرابن. ئێستا لێکۆڵینەوە لە ڕووداوکە دەستی پێکردووە. سەرچاوەیەکیش لە ئاسایشی هەڵەبجە بە ئاڤای ڕاگەیاند، بکوژەکە دەستگیکراوە کە هاوسەری ژنەکەیە.

زانیاریی پەیامنێر: ڕائید ئاکام، وتەبێژی پۆلیسی هەڵەبجە بە ئاراس ڕەفیق، پەیامنێری ئاڤا نیوزی ڕاگەیاند، لە گەڕەکی باخی میری هەڵەبجە، تەرمی دایک و کچێک لەنێو ماڵەکەیان دۆزراوەتەوە، گومان دەکرێت کوژرابن.

ڕاگەیێنراوی فەرمی: بەڕێوەبەرایەتیی پۆلیسی پارێزگایی هەڵەبجە ڕایگەیاند، "کاتژمێر 7:20 خولەکی ئێوارەی ئەمڕۆ لەلایەن هەواڵدەرێکەوە ئاگادارکراینەوە لەبوونی دوو تەرم لەماڵەکەی خۆیاندا لەگەڕەگی باخی میر کە دایک و کچن  بەناوی ( ج .ف. س) تەمەن 54 ساڵ و (ه .ه .ع) تەمەن 17 ساڵ".

پۆلیسی هەڵەبجە دەڵێت، دوو تەرمەکە ئاسەواری فیشەک بەجەستەیانەوەیە و ئێستا تەرمەکان لەپزیشکی دادی هەڵەبجەن.

پۆلیسی هەڵەبجە ڕوونی کردەوە، ئێستا پەڕاوی لێکۆڵینەوە لەبنکەی پۆلیسی هەڵەبجە ڕێکخراوە و  لێکۆڵینەوە لەڕووداوکە دەستی  پێکردووە.

زانیاریی تایبەت: سەرچاوەیەک لە ئاسایشی هەڵەبجە بە ئاڤا میدیای ڕاگەیاند، ئێستا بکوژ دەستگیرکراوە کە هاوسەری ژنە کوژراوەکەیە.