خەمۆکیی بەهارە؛ هۆکار و چارەسەرەکانی

ئاڤانیوز

خەمۆکیی بەهارە کە بە خەمۆکیی وەرزی ناسراوە، دۆخێکی دەروونییە و بەهۆی گۆڕانکاری وەرزیی ڕووناکی و کەشوهەوا لە وەرزی بەهاردا دروست دەبێت.

هۆکارە زانراوەکان: بەپێی ئەوەی وەرزی بەهار وەرزی گواستنەوەیە لە نێوان سەرمای زستان و گەرمای هاوین، دەبێتە هۆی گۆڕانکاری لە درێژی ڕۆژ، زۆری ڕووناکی و بەرزبوونەوەی پلەی گەرما، ئەم گۆڕانکارییانەش کار دەکەنە سەر دۆخی دەروونی و میزاج لە هەندێك کەسدا.

چارەسەرەکان: بۆ دوورکەوتنەوە و خۆپارێزی لەم دۆخە، چارەسەرەکان بەم شێوەیەن:

•⁠  ⁠بەسەربردنی کاتێکی زۆر لە هەوای پاکدا و خۆدانە بەر تیشکی خۆر بەتایبەتی لە کاتی خۆرهەڵاتندا.

•⁠  ⁠پابەندبوون بە وەرزشەوە، کە ئەمە جگە لە جەستە کاریگەرییەکی زۆریشی بۆ سەر دەرونی مرۆڤ هەیە.

•⁠  ⁠گرنگیدان بە شێوە ژیانێکی تەندروست لەڕووی خواردنی خۆراكی تەندروست و ڕێکخستنی کاتی خەو .

•⁠  ⁠پاراستنی پەیوەندییە کۆمەڵایەتییەکان و پابەندبوون پێیانەوە.