زبڵ و خاشاکێکی زۆر لە سەیرانگەی تەوسکە فڕێ دەدرێت

ئاڤا نیوز

زبڵ و خاشاکێکی زۆر لەسەر ڕێگای سەیرانگەی تەوسکەی سنووری هەولێر فڕی دەدرێت و ئاڤا میدیا پرسەکە دەگەیێنێتە لایەنی پەیوەندیدار.

چیرۆکی سەرەکی: ئاڤا میدیا کۆمەڵێک وێنە و ڤیدیۆی سنووری سەیرانگەی تەوسکەی دەستکەوتووە، زبڵ و خاشاکیکی زۆر لە ناوچەکە فڕێ دراوە و سیمایەکی ناشارستانی نیشان داوە، ئاڤا میدیا پرسەکەی گەیاندە لایەنی پەیوەندیدار و چارەسەر دەکرێت.

لێدوانی فەرمی: شوکری عەبدولخالق، بەڕێوەبەری شارەوانی کۆڕێ بە ئاڤای ڕاگەیاند: تیمەکانمان بەردەوام دەڕۆنە ناوچەکە و پاکی دەکەنەوە، بەڵام خەڵکێکی زۆر سەردانی ئەو سنوورە دەکەن و بەشێکیان پابەندی ڕێنماییە ژینگەییەکان نابن، لە هەموو شوێنێک زبڵ و خاشاک فڕێ دەدەن و سنوورەکە دەشێوێنن.

زانیاریی زیاتر: بەڕێوەبەری شارەوانی کۆڕێ بە ئاڤای گوت: سبەی سەردانی ئەو ناوچەیە دەکەم و بەدواداچوونی بۆ دەکەم، هەر شتێک لە دەسەڵاتی شارەوانی دا بێت، ئێمە ئەنجامی دەدەین و ژینگەکە بە پاکی ڕادەگرین.

ئەمەش بزانە: تیمەکانی ژینگەپارێزی لە ڕۆژانی پێنجشەممە و هەینی سەردانی سنوورەکە ناکەن، بەمەش زبڵێکی زۆر لە ناوچەکە فڕێ دەدرێت.