کەسایەتییەکی سیاسی کوردستان کۆچی دوایی کرد

ئاڤا نیوز

ئەمڕۆ یەکشەممە لە یەکێک لە نەخۆشخانەکانی هەولێر (ڕاست نووری شاوێس) کۆچی دوایی کرد، ئەو پێشووتر بریکاری وەزیری ئاوەدانکردنەوەی حکومەتی هەرێمی کوردستان بووە و برای کۆچکردوو دکتۆر ڕۆژ نوری شاوێس، ئەندامی پێشووی مەکتەبی سیاسی پارتی بووە.

لێدوانی فەرمی: شاخەوان غەفوور، کەسی نزیکی بنەماڵەی ڕاست نووری شاوێس، بە ئاڤا میدیای وت: ماوەی ساڵ و نیوێکە ڕاست نووری شاوێس دووچاری شێرپەنجەی سییەکان ببوو، لە ئەڵمانیا چارەسەری وەردەگرت، بەڵام بەهۆی ئەوەی نەخۆشییەکەی تەشەنەی کردبوو، ئەمڕۆ کاتژمێر 9:15 لە نەخۆشخانەیەکی هەولێر کۆچی دوایی کرد.

شاخەوان غەفوور دەشڵێت: لە کابینەی دووەمی حکومەتی هەرێمی کوردستاندا، بریکاری وەزیری نیشتەجێکردن بووە، باڵوێزی پێشووی عێراق بووە لە تونس و مەغریب. سەرەتای کاری حزبی لە یەکێتی قوتابیان دەستپێکردووە و چەندین قۆناغی حزبی و پێشمەرگەیی بینیووە.

زانیاریی زیاتر: ڕیارە دوای ئەوەی تەرمی ڕاست نووری شاوەیس دەبرێت بۆ مزگەوتی جەلیل خەیات لە شاری هەولێر و نوێژی مردووی لەسەر دەکرێت، دواتر لە شارۆچکە پیرمام بە خاک دەسپێردێت.