بەهۆی پچڕانی کێبڵێک لە ناو دەریا کێشە بۆ ئینتەرنێتی چەند وڵاتێک دروست دەبێت

ئاڤا نیوز

کۆمپانیای مایکرۆسۆفت ڕایگەیاند، یەکێک لەو کێبڵانەی کە ئینتەرنێت بۆ ڕۆژهەڵاتی ناوەڕاست و باشووری ئاسیا دەگوازنەوە لە ناو دەریای سوور پچڕاوە. 

ئەوەی پێویستە بیزانیت: پچڕانی ئەم کێبڵە كێشە بۆ خزمەتگوزاریی ئینتەرنێت درووست کردووە و بووەتە هۆی خاوبوونەوەی هێڵەکانی ئینتەرنێت و تەنانەت ئەگەری پچڕانی ئینتەرنێتیش هەیە.

 

زانیاریی زیاتر: مایکرۆسۆفت هۆکاری پچڕانی کێبڵەکەی باس نەکردووە و ڕوونی نەکردووەتەوە، بەڵام دەڵێت هەوڵەکان بۆ چارەسەرکردنی کێشەکە چڕ کراونەتەوە.

 

کاریگەری و لێکەوتەکان: بەشێک لەو وڵاتانەی کە هێڵی ئینتەرنێت تیایاندا تووشی گرفت و خاوبوونەوە بووەتەوە بریتین لە: پاکستان، هیندستان، ئیماڕات و عەرەبستانی سعودیە.

ئەمەش بزانە: ئەمە یەکەم جار نییە کێبڵەکان بپچڕێن و پێشتریش ئەمە ڕوویداوە و چارەسەر کراوە، بەڵام ڕەخنەی زۆر لە مایکرۆسۆفت دەگیرێت کە نەیتوانیوە ئەم کێشەیە بە یەکجاری چارەسەر بکات.