فازڵ میرانی بۆ ئاڤا: ئەمڕۆ كابینەی نوێ پێكبهێندرێت لە سبەی باشترە

ئاڤا نیوز

بەرپرسی دەستەی كارگێڕیی مەكتەبی سیاسیی پارتی ڕایدەگەیەنێت، ئێستا لە هەموو كاتێك گرنگترە كابینەی نوێی حكومەت پێكبهێندرێت.

وێنە گەورەكە: شاندی دانووستانکاری پارتیی دیموکراتی کوردستان و یەکێتیی نیشتمانیی کوردستان، بەمزووانە گفتوگۆکانیان دەستپێدەكەنەوە بەمەبەستی تەواوکردنی ڕێککەوتنی نێوانیان سەبارەت بە پێکهێنانی کابینەی 10ـی حکومەتی هەرێمی کوردستان. هەردوولا لەسەر زۆرێک لە خاڵەکان ڕێککەوتوون و لە کۆبوونەوەی داهاتوودا گفتوگۆ لەسەر ئەو خاڵانە دەکەن کە تاوەکو ئێستا لەسەری ڕێککنەکەوتوون.

لێدوانی فەرمی: فازڵ میرانی، بەرپرسی دەستەی کارگێڕیی مەکتەبی سیاسیی پارتی سەبارەت بە پێکهێنانی کابینەی نوێ لە وەڵامی پرسیارێکی پەیامنێری ئاڤا میدیا دەڵێت: ئێستا لە هەموو کاتێک گرنگترە کابینەی نوێ پێکبهێندرێت.

فازڵ میرانی ئاماژە بەوەش دەكات، پرسی پێكهێنانی كابینەی نوێی حكومەتی هەرێمی كوردستان پەیوەندیی هەیە بە هەردوو شاندی دانووستانكاری پارتی و یەكێتی، بەو پێیەی ئەوان وردەكاریی هەنگاوەكانی دەزانن، بەڵام تا زووتر حكومەتی نوێ پێكبهێندرێت باشترە.