ئامارێکی مەترسیدار لەبارەی کوژرانی خەڵک لە سووریا بڵاودەبێتەوە

ئاڤا نیوز

 

ڕوانگەی سووری بۆ مافەکانی مرۆڤ ئاماری کوژراوانی نۆ مانگی دوای ڕووخانی دەسەلاتی بەشار ئەسەد لە سووریا بڵاوکردەوە و لەو ماوەدا بەپێی ڕوانگەکە زیاتر لە 10 هەزار کەس کوژراون.

 

بڵاوکراوەی فەرمی: ڕوانگەی سووریا بۆ مافەکانی مرۆڤ بڵاوی کردوە، لە ماوەی نۆ مانگی دەسەڵاتی ئەحمەد شەرع، سەرۆکی سووریا 10 هەزار و 672 کەس لە سەرانسەری ئەو وڵاتە کوژراون کە هەشت هەزار و 180 کەسیان سڤیل بوون، لە نێویاندا 438 منداڵ و 620 ئافرەت بوون.

 

زانیاریی زیاتر: هەر بەپێی ڕوانگەکە، لەو ژمارەیە سێ هەزار و 20 کەس گولەباران کراون.

 

ژمارەکان وا دەڵێن: ئاماری کوژراوان بەپێی مانگەکان بەم شێوەیە بووە:

 

-مانگی 12 ساڵی 2024؛ دوو هەزار و 354 کوژراو.

-مانگی یەک؛ هەزار و 122 کوژراو .

-مانگی دوو ؛ 603 کوژراو.

-مانگی سێ؛ سێ هەزار و 644 کوژراو.

-مانگی چوار؛ 452 کوژراو.

-مانگی پێنج؛ 428 کوژراو.

-مانگی شەش؛391 کوژراو  .     

-مانگی حەوت؛ هەزار و 733 کوژراو. 

-مانگی هەشت؛ 874 کوژراو.

 

باکگراوند: ڕۆژی 8-12-2024، دەسەڵاتی بەشار ئەسەد لەسەر دەستی دەستەی تەحریرولشام بە سەرۆکایەتیی ئەحمەد شەرع  لە سووریا کۆتایی پێهێنرا.