ئیسرائیل دوایین هۆشداری دەداتە حەماس

ئاڤا نیوز

ئیسرائیل کاتز، وەزیری بەرگریی ئیسرائیل هۆشدارییەکی تووند دەداتە حەماس و هەڕەشەی وێرانکردنی غەززە دەکات، ئەمەش وەک دوایین هۆشداری ناودەبات ئەگەر حەماس چەک دانەنێت و بارمتەکان ئازاد نەکات".

وێنە گەورەکە: ئەمە لە کاتێکدایە کە دوێنی دۆناڵد ترەمپ، سەرۆکی ئەمریکا هۆشدارییەکی تووندی بە بزووتنەوەی حەماس دا و جەختی لەوە کردەوە ئەمە دوایین هۆشداری دەبێت بۆ ئەوان، لە بەرامبەردا حەماس ئامادەیی خۆی بۆ دانوستان و ئازادکردنی بارمتەکان نیشانداوە بە مەرجێک ئیسرائیل لە غەززە بکشێتەوە و بە یەکجاری شەڕ لە غەززە کۆتایی بێت.

ڕاگەیێنراوی فەرمی: کاتز لە هەژماری تایبەتی خۆی لە ئێکس ڕایگەیاند: ئەمڕۆ زریانێکی بەهێز ئاسمانی شاری غەززە دەگرێت و "سەقفی تاوەرەی تیرۆریستەکانیش" دەگرێتەوە.

-ئەم هۆشداریی کۆتاییە بۆ بکوژان و دەستدرێژکارانی حەماس لە غەززە و لە هۆتێلە لوکسەکانی دەرەوەی وڵات.

- بارمتەکان ئازاد بکەن و چەکەکانتان دابنێن، ئەگەرنا غەززە لەناو دەچێت و لەناو دەچن.

زانیاریی زیاتر: بە گوتەی وەزیری بەرگریی ئیسرائیل، سوپای ئیسرائیل وەک پلانی بۆ دانراوە بەردەوامە و خۆی ئامادە دەکات بۆ فراوانکردنی مانۆڕەکە بۆ شکستپێهێنانی یەکلاکەرەوەی غەززە.