ئەمڕۆ لیستی مووچەی مانگی هەشت بۆ بە‌غدا دەنێردرێت

ئاڤا نیوز

بەگوێرەی وتەی سەرچاوەیەکی وەزارەتی دارایی و ئابووری هەرێمی کوردستان ئەمڕۆ کاتژمێر 9:00ـی بەیانی لیستی مووچەی مانگی هەشت دەگاتە دەست بەشی ژمێرکاری وەزارەتی دارایی فیدڕاڵی.

وێنە گەورەکە: بەهۆی ئەوەی مانگانە حکومەتی عێراق لە کاتی خۆیدا مووچەی فەرمانبەرانی هەرێمی کوردستان نانێرێت، بۆیە ناردنی لیستی مووچەش دوادەکەوێت. لە ڕۆژی 3ـی ئابەوە لیستی مووچەی مانگی حەوت نێردراوە بۆ بەغدا و هێشتا چارەنووسی ناردنی مووچەی مانگی حەوت دیار نییە.

لێدوانی فەرمی: سەرچاوەیەک لە وەزارەتی دارایی و ئابووری هەرێمی کوردستان بە ئاڤای ڕاگەیاند، ئەمڕۆ سێشەممە کاتژمێر 9:00 لیستی مووچەی مانگی هەشت ڕەوانەی بەشی ژمێرکاری وەزارەتی دارایی فیدڕاڵی دەکرێت و لەوێ دەست بە وردبینی دەکرێت. 

بەگوێرەی زانیاری ئاڤا، کار بۆ ئامادەکردنی لیستی مووچەی مانگی 9 دەستیپێکردووە و چاوەڕوان دەکرێت لەماوەی دوو هەفتەدا ئەویش ئامادە بێت و بنێردرێت.


لەلایەکی دیکەوە: ناوی ژمارەیەکی دیکەی خانەنشین بۆ لیستی مووچەی مانگی هەشت زیاد دەکرێت، ئەمەش دوای ئەوەی کە دۆسییەکانیان لەلایەن بەڕێوەبەرایەتیی خانەنشینییەوە تەواوکراوە و ڕەوانەی وەزارەتی دارایی و ئابووری کراوە.

بەتەنیشت ئەم بابەتەوە: ئەمڕۆ سێشەممە کۆبوونەوەی هەفتانەی ئەنجوومەنی وەزیرانی عێراق دەکرێت. چاوەڕێ دەکرێت لە کۆبوونەوەکە ڕاپۆرتی ئەو لیژنانەی بۆ داهاتی نانەوتی و هەناردەکردنەوەی نەوت دروستکرابوون بخرێنە گفتوگۆی دانیشتنەکە و دەنگییان لەسەر بدرێت.