سەرۆکوەزیران مەسرور بارزانی: هەرێمی کوردستان پابەندییەکانی خۆی بەرامبەر عێراق جێبەجێکردووە

ئاڤا نیوز


سەرۆکوەزیران مەسرور بارزانی لە ستۆدیۆی ئاڤا میدیاوە ڕایگەیاند: هیوادارم لەگەڵ بەغدا بگەینە ئەنجامێک لە بەرژەوەندیی هەرێمی کوردستان و عێراقدا بێت.

چیرۆکی سەرەکی: ئەمڕۆ سێشەممە 9-9-2025، بە ئامادەبوونی سەرۆکوەزیران مەسرور بارزانی، شەشەمین پێشانگەی نێودەوڵەتیی بۆ وەبەرهێنان و خانووبەرە لە هەولێر کرایەوە. 

لێدوانی فەرمی: سەرۆکوەزیران مەسرور بارزانی لە ستۆدیۆی تایبەتی ئاڤا میدیا لە پێشانگای نێودەوڵەتیی وەبەرهێنان و خانووبەرەی هەولێر لەبارەی پرسی مووچەی فەرمانبەران وەڵامی پرسیارێکی مستەفا مەلا حەسەن، پێشکەشکاری ئابووری دایەوە و ڕایگەیاند: هەرێمی کوردستان هەموو ئەرکە دەستوورییەکانی خۆی جێبەجێکردووە و ئەوەی دەمێنێتەوە لای حکومەتی عێراقە، ئێستا ئەوانیش لەوە تێگەیشتوون کە خەڵکی کوردستان لەسەر هەقە.

لە بەشێکی دیکەی قسەکانیدا سەرۆکوەزیران ڕایگەیاند: هیوادارم لەگەڵ بەغدا بگەینە ئەنجامێک لە بەرژەوەندیی هەرێمی کوردستان و عێراقدا بێت.

ئارامی و سەقامگیری لە هەرێمی کوردستان هۆکارە بۆ بەرەوپێشبردنی باری ئابووری، پێشمەرگە و هێزەکانی ناوخۆ هۆکاری ئەو سەقامگیری و ئارامییەی کوردستانن. 


زانیاریی زیاتر: لە شەشەمین پێشانگای نێودەوڵەتی ئەمجارەدا، 280 کۆمپانیای ناوخۆ و دەرەکی تیایدا بەشدارییان کردووە کە لە 16 وڵاتی جیاوازەوە هاتوون بۆ هەولێر.