سەرۆکوەزیران مەسرور بارزانی لەگەڵ وەزیری پیشەسازی و تەکنەلۆجیای پێشکەوتووی ئیمارات کۆدەبێتەوە

ئاڤا نیوز 

سەرۆکوەزیران مەسرور بارزانی لەگەڵ وەزیری پیشەسازی و تەکنەلۆجیای پێشکەوتووی ئیمارات کۆبووەوە. هەردوولا جەختیان لە گرنگیی پەرەپێدانی پەیوەندییەکانی هەرێمی کوردستان و ئیمارات لە چەند بوارێک کردەوە.

چیرۆکی سەرەکی: ئەمڕۆ چوارشەممە 4-2-2026، مەسرور بارزانی، سەرۆکوەزیرانی هەرێمی کوردستان لە دوبەی، لەگەڵ سوڵتان ئەلجابر، وەزیری پیشەسازی و تەکنەلۆجیای پێشکەوتووی ئیمارات کۆبووەوە.

زانیاریی زیاتر: لە کۆبوونەوەکەدا جەخت لە گرنگیی پەرەپێدانی پەیوەندییەکانی هەرێمی کوردستان و ئیمارات لە بوارەکانی وزە و سامانە سرووشتییەکان و تەکنەلۆجیادا کرا.

باکگراوند: سەرۆکوەزیران، مەسرور بارزانی، لەسەر بانگهێشتی فەرميی شێخ محەممەد بن ڕاشد ئال مەکتووم، جێگری سەرۆک و سەرۆکوەزیرانی ئیمارات و حاکمی دوبەی، بەمەبەستی بەشداریکردن لە لووتکەی حکومەتەکانی جیهان 2026 بەشدارە، ئێوارەی ڕۆژی دووشەممە، 2-2-2026، گەیشتە دوبەی و لەلایەن عەبدوڵلا ئەلنعێمی، وەزیری دادی ئیمارات پێشوازی لێ کرا. سەرۆکوەزیران، لە لووتکەکەدا، زنجیرەیەک کۆبوونەوە و دیدار لەگەڵ بەرپرسانی باڵای ئیماراتی و سەرکردەکانی وڵاتانی بەشدار لە لووتکەکە ئەنجام دەدات.