ڕێککەوتنی چەکی ئەتۆمی نێوان ڕووسیا و ئەمریکا کۆتایی پێ دێت

ئاڤا نیوز

چاوەڕوان دەکرێت ڕۆژی پێنجشەممە، دوایین ڕێککەوتنی نێوان ئەمریکا و ڕووسیا بۆ سنووردارکردنی چەکی ئەتۆمی (New START) کۆتایی پێ بێت.

بۆچی گرنگە: بۆ یەکەمجار لە دوای کۆتاییهاتنی جەنگی ساردەوە، گەورەترین دوو هێزی ئەتۆمیی جیهان هیچ بەربەستێکی یاسایییان لەبەردەم نامێنێت بۆ زیادکردنی ژمارەی کڵاوە ئەتۆمییەکانیان.

وێنە گەورەکە: دۆناڵد تڕەمپ، سەرۆکی ئەمریکا تەنها ڕووسیای بەلاوە گرنگ نییە؛ ئەو دەیەوێت چینیش ڕابکێشێتە ناو هەر ڕێککەوتنێکی نوێ. تڕەمپ پێیوایە توانای ئەتۆمیی پەکین بە خێرایی گەشە دەکات و نابێت لە دەرەوەی چاودێری بێت.

- بەرپرسانی کۆشکی سپی دەڵێن تڕەمپ دەیەوێت چین بەشێک بێت لە گفتوگۆکان، بەڵام پەلە ناکات لە بڕیاردان.

- ڤلادیمیر پووتین پێشنیازی درێژکردنەوەی ساڵانەی کردووە، بەڵام تا ئێستا واشنتن بەم ڕازی نەبووە.

ژمارەکان وا دەڵێن؛ ڕێککەوتنەکە ڕێگەی دا 1،550 کڵاوەی ئەتۆمی  بۆ هەر لایەک بێت کە ساڵی 2010  واژۆکرا.

ستراتیژی "بەرژدەوەندیی ئەمریکا کاری لەپێشینەیە"ـی تڕەمپ پاڵنەرە بۆ واشنتن هاتنە دەرەوە لەو ڕێککەوتنانەی کە پێیوایە دەست و پێی ئەمریکا دەبەستنەوە. ترەمپ چین وەک کارتێکی فشار بەکاردێنێت، تەنانەت ئەگەر ئەمە بە مانای نەمانی کۆنترۆڵی ئەتۆمیش بێت لەگەڵ ڕووسیا.

ئەوەی پێشبینی دەکرێت: زانایان و چاودێرانی سەربازی چاوەڕێی "تەلەفۆنە یەکلاکەرەوەکە"ن. دەگوترێت تەنها یەک پەیوەندیی تەلەفۆنی نێوان تڕەمپ و پووتین دەتوانێت لە دواساتدا ڕێککەوتنەکە ڕزگار بکات، بەڵام هەردوولا تا ئێستا بێدەنگییان هەڵبژاردووە.