حكومەتی کوردستان لە باجی زیاتر لە 100 هەزار كەس خۆش دەبێت

ئاڤا نیوز

 

حکوومەتی هەرێمی کوردستان لە باجی زیاتر لە 100 هەزار خۆش دەبێت، ئەمەش وەک هەنگاوێک بۆ پشتگیری کردن لەو کەس و کارانەی کە تەنیا یەک سەرچاوەی داهاتیان هەیە.

 

بۆچی گرنگە: ئەم هەنگاوەی حکومەتی هەرێمی کوردستان لە چوارچێوەی هەوڵەکاندایە بۆ کەم کردنەوەی باری سەرشانی هاووڵاتیان و پشتگیری کردن لە کەرتی تایبەت و بازاڕی ناوخۆ.

لێدوانی فەرمی: د. کەمال وەرتی، بەڕێوەبەری گشتیی باج و خانووبەرەی میری، بە ئاڤا میدیای ڕاگەیاند، لە کابینەی نۆیەمی حکومەتدا، بڕیاری لێخۆشبوون لە باج بۆ زیاتر لە 100 هەزار باجدەر دەرچووە. ئەم کەسانە پێشتر باجیان دەدا، بەڵام لە ئێستادا هیچ باجێکیان لێ وەرناگیرێت.

شێوازی جێبەجێ کردن: ئەم بڕیارە ئەو کەسانە دەگرێتەوە کە داهاتێکی سنوورداریان هەیە وەک خاوەنی سەرتاشخانە یان کارگەی بچووکی دارتاشی، یان دووکانێکی بچووک کە تەنیا بۆ بژێوی خێزانەکانیان بەکاریدەهێنن و هیچ سەرچاوەیەکی دیکەی داهاتیان نییە.

لەلایەکی دیکە: بەڕێوەبەری گشتیی باج و خانووبەرەی میری ئاماژەی بەوەشدا، کە ژمارەی ئەو کەسانەی لە هەرێمی کوردستاندا لەم پۆلێنەدان زۆر زۆرە و پێشتر مانگانە بڕی 100 هەزار دینار و زیاتریان وەک باج لێوەردەگیرا، بەڵام ئێستا هیچ بڕە پارەیەکی ساڵانەیان لێ وەرناگیرێت.