پەیامێک لە مەسرور بارزانییەوە لەبارەی هێرشەکەی ئیسرائیل بۆ سەر قەتەر

ئاڤا نیوز

سەرۆكوەزیران مەسرور بارزانی، هێرشەكەی سەر قەتەر بە پێشێلكاری یاسا نێودەوڵەتییەكان ناودەبات و داوای چارەسەریی ئاشتییانەی بەپەلە بۆ كۆتاییهێنان بە كێشەكان دەكات.

چیرۆکی سەرەکی: ئێوارەی دوێنێ ئیسرائیل هێرشی کردە سەر شاندێکی دانوستانکاری حەماس لە قەتەر و بەهۆیەوە پێنج کەس کوژران، بەڵام بەگوتەی حەماس هیچ کامییان سەرکردەکانی حەماس نین و ئیسرائیل ئامانجەکەی نەپێکاوە.

پەیامی فەرمی: لە پەیامێکدا لە تۆڕی کۆمەڵایەتی 'ئێکس'، سەرۆکوەزیران مەسرور بارزانی ڕایگەیاند، "هێرشەکەی سەر دەوڵەتی قەتەر، پێشێلکاری یاسا نێودەوڵەتییەکانە و داواکارین پەلە بکرێت لە چارەسەری ئاشتییانەی کێشەکان و کۆتاییهێنان بە هەموو جۆرە گرژی و توندووتیژییەک.

كاریگەری و لێكەوتەكان: هێرشەكانی ئیسرائیل بۆ سەر قەتەر، كاردانەوەی فراوانی لەسەر ئاستی نێودەوڵەتی بەدوای خۆیدا هێنا و وڵاتان كۆكن لەسەر ئەوەی هێرشەكان پێشێلكاری ئاشكرای یاسا نێودەوڵەتییەكانە، هەر پەیوەست بەم بابەتە، سبەی ئەنجوومەنی ئاسایشی نێودەوڵەتی  کۆبوونەوەیەکی  بەپەلە لەسەر داوای جەزائیر و پاکستان ئەنجام دەدات.