مەنسووڕ بارزانی ئامادەیی خۆی بۆ هاوکاریکردنی دووکاندارانی دهۆک نیشان دەدات

ئاڤا نیوز 

فەرماندەی هێزەکانی تایبەتی گوڵان ئامادەیی خۆی بۆ هاوکاریکردنی تیمەکان بۆ کۆنترۆڵکردنی ئاگرەکەی بازاڕی چەلێ لە دهۆک نیشان دەدات.

 

چیرۆکی سەرەکی: نزیک کاتژمێر 04:00ـی بەرەبەیانی ڕۆژی دووشەممە 01-04-2024 ئاگرێکی گەورە لە بازاڕی چەلێ لە سەنتەری شاری دهۆک کەوتەوە، بەهۆیەوە نزیکەی 200 دووکان سووتاون. 

 

لێدوانی فەرمی: عەمید حەسەن، بەڕێوەبەری بەرگریی شارستانیی دهۆک بۆ ئاڤا نیوز ڕایگەیاند: لە سەرەتای دروستبوونی ئاگرەکە فەرماندە مەنسووڕ بارزانی پەیوەندی پێوەکردم و ئامادەیی خۆی بۆ هەموو جۆرە هاوکارییەک نیشان دا.

 

لەلایەکی دیکەوە: نزیکەی 200 دووکان لە بازاڕی چەلێ لە دهۆک سووتاون، بەڕێوەبەری بەرگریی شارستانیی دهۆک سەبارەت بە قەرەبووکردنەوەی زیانلێکەوتووان ڕایگەیاند: لیژنە پێکدەهێنرێت و زیانەکان دەخەمڵێنرێت و قەرەبوو دەکرێنەوە.