نەتانیاهۆ: تاوەکو ئامانجەكانمان نەیەتەدی شەڕ ڕاناگرین

ئاڤا نیوز

 

سەڕەڕای ڕاگەیاندنی ئاگربەست لەلایەن ئەنجوومەنی ئاسایشەوە، سەرۆكوەزیرانی ئیسرائیل ئامادەنییە شەڕ ڕابگرێت و بە كارێكی هەڵەی دەزانێت.

 

وێنە گەورەكە: تاوەکو ئێستا شەڕ لە كەرتی غەززە بەردەوامە، سەرۆكوەزیرانی ئیسرائیل دەڵێت، ئێستا دۆخەكە نالەبارە و ناكرێت بەمشێوەیەی ئێستا شەڕ ڕابگرین، چونكە ئامانجەكانمان نەهاتوونەتەدی. 

 

لێدوانی فەرمی: بنیامین نەتانیاهۆ، سەرۆكوەزیراین ئیسرائیل ڕایگەیاند: شەڕ لە كەرتی غەززە بەردەوامە، ئێمە ئامانجەكانمان هێشتا بەدی نەهێناوە، كە بریتییە لە لەناوبردین حەماس و تاوەکو ئەم ئاواتەشمان نەیەتەدی شەڕ كۆتایی نایەت.

 

باگگراوند: لە سەرەتای مانگی ئۆكتۆبەری ساڵی ڕابردووەوە ئاڵۆزی و پێكدادان لە كەرتی غەززە لە نێوان ئیسڕائیل و گرووپە چەكدارەكان بەردەوامە و تاوەکو ئێستا زیاتر لە 32 هەزار كەس لە غەززە كوژراون و 600 سەربازی ئیسرائیلیش كوژراون.