وێنەی مەھدی موھەندیس لە فڕۆکەخانە نێودەوڵەتیی بەغدا لادرا

ئاڤا نیوز

وێنەی ئەبو مەھدی موھەندیس، جێگری پێشووی سەرۆکی دەستەی حەشدی شەعبی، لە فڕۆکەخانەی نێودەوڵەتی بەغدا لادراوە و نەخشەی عێڕاق لە شوێنەکەی دانراوە، تا ئێستا ھیچ لایەنێک بەرپرسیارێتی خۆی لەو کارە ڕانەگەیاندووە.

چیرۆکی سەرەکی: بەپێی ئەو هەواڵ و وێنانەی لە تۆڕە کۆمەڵایەتییەکاندا بڵاوکراوەتەوە، وێنەی ئەبو مەھدی موھەندیس کە لە شوێنێکی ناو فڕۆکەخانەی نێودەوڵەتی بەغدا دانرابوو، لادراوە و نەخشەی عێڕاق لە شوێنەکە دانراوە.

 

ئەوەی پێویستە بیزانیت: تا ئێستا نازاندرێت بە فەرمانی کێ وێنەکەی ئەبو مەھدی موھەندیسی لەو شوێنە هەڵگرتووە و نەخشەی عێڕاقی لە شوێنەکەی داناوە،

باکگراوند: جێی ئاماژەیە لە سێی کانوونی دووەمی 2020دا لە ئەنجامی ھێرشێکی ئاسمانیی ئەمریکا لە نزیک فڕۆکەخانەی نێودەوڵەتی بەغدا، هەریەک لە ئەبو مەھدی موھەندیس، جێگری سەرۆکی دەستەی حەشدی شەعبی و قاسم سولەیمانی، فەرماندەی فەیلەقی قودس سەربە سوپای پاسداران، کرانە ئامانج و کوژران.