نەجمەدین غولامی بەرهەمێکی نوێ بڵاودەکاتەوە

ئاڤا نیوز

ڕۆژی هەینی 2025-09-12 هونەرمەند نەجمەدین غولامی نوێترین گۆرانی خۆی بڵاودەکاتەوە.

چیرۆکی سەرەکی: هونەرمەندی دیاری ڕۆژهەڵاتی کوردستان، نەجمەدین غولامی تیزەری نوێترین بەرهەمی بۆ ئاڤا میدیا ناردووە و بڕیارە ڕۆژی هەینی گۆرانییە نوێیەکەی بڵاو بکاتەوە.

لێدوانی فەرمی: هونەرمەند نەجمەدین غولامی بە ئاڤا میدیای گوت، گۆرانییە نوێیەکەم گۆرانیێکە باس لە پێکەوە ژیان دەکات و ڕۆژی هەینی بڵاوی دەکەمەوە.

ئەمەش بزانە: نەجمەددین غولامی لە 1958 لە شاری سنەی ڕۆژهەڵاتی کوردستان لەدایکبووە، هەر لە منداڵیەوە خولیای گۆرانی گوتن بووە و لە دوای تەمەنی 10 ساڵیەوە دەستی بە گۆرانی گوتن کردووە، خاوەنی چەندین سرودی نەتەوەیی و گۆرانییە و تا ئێستا زیاتر لە 20 ئەلبومی بڵاوکردووەتەوە. ساڵانێکە ئەو هونەرمەندە لەگەڵ خێزانەکەی لە وڵاتی سوید دەژین.