نوێترین زانیاری لەبارەی زیانەکانی ئاگرەکەی دهۆک

ئاڤا نیوز

 

ئاگرەکەی بازاڕی چەلێ لە دهۆک زیانێکی زۆری لێکەوتووەتەوە، بەپێی نوێترین ئاماری بەرگریی شارستانیی زیاتر لە 100 دووکان سووتاون.

 

چیرۆکی سەرەکی: کاتژمێر 03:43 بەرەبەیانی ڕۆژی دووشەممە 01-04-2024 ئاگرێکی گەورە لەناو یەکێک  لە بازاڕ و دووکانەکانی ناو سەنتەری پارێزگای دهۆک کەوتەوە و بەهۆیەوە زیانێکی زۆری گەورەی ماددی لێکەوتەوە.  

 

ڕاگەیێنراوی فەرمی: بەڕێوەبەرایەتیی گشتیی بەرگریی شارستانیی هەرێمی کوردستان ڕایگەیاند: دوای ئەرکێکی زۆر لە ماندووبوون بۆ کارمەند و ئەفسەرانمان کە 30 تیمی  بەرگریی شارستانی لە 11  بنکەوە بەشداربوون توانرا ئاگرەکە بەماوەی 3 کاتژمێر و 20 خوولەک کۆنترۆڵ بکرێت. 

 

زیانە سەرەکییەکان: بەهۆی ئاگرەکەوە زیاتر لە 100 دووکان زیانیان بەرکەوت، هەروەها هەشت ھاووڵاتی و سێ  لە کارمەندانمان بەرکەوتەی ئاگرەکەبوون، ئێستا ڕەوانەی نەخۆشخانە کراون و ڕەوشی تەندروستیان باشە.