ترەمپ و سەرۆکوەزیرانی قەتەر دوو کاتژمێر لە کۆبوونەوەدا بوون

ئاڤا نیوز

دیداری دۆناڵد ترەمپ، سەرۆکی ئەمریکا و محەممەد بن عەبدولڕەحمان ئال سانی، سەرۆکوەزیران و وەزیری دەرەوەی قەتەر، لە شاری نیویۆرکی ئەمریکا بەڕێوەچووە و دوو کاتژمێری خایاندووە. 

لێدوانی فەرمی: حەمەد موفتاح، جێگری سەرۆکی شاندی قەتەر، ڕایگەیاند ئێوارەخوانێکی گەورە لەگەڵ سەرۆک ترەمپ ساز کراوە.

زانیاریی زیاتر: سەرچاوە دیپلۆماسییەکانی قەتەر کۆبوونەوەکەیان بە "زۆر ئەرێنی" وەسف کردووە. ئاماژە بەوەش دراوە کە ستیڤ ویتکۆف، نێردەی ئەمریکا بۆ ڕۆژهەڵاتی ناوەڕاست، لە کۆبوونەوەکەدا بەشدار بووە. 

ئەمەش بزانە: کۆبوونەوەکە بۆ باسکردنی هێرشەکەی ئیسرائیل بووە بۆ سەر دەوحەی پایتەختی قەتەر بۆ بەئامانجگرتنی سەرکردەکانی  حەماس.