لە نیپاڵ زیاتر لە 15 هەزار زیندانی لە گرتووخانەکان هەڵاتوون

ئاڤا نیوز

لە ئەنجامی ئەو خۆپیشاندانانەی لە نیپاڵ دژ بە حکوومەت کران کە بەهۆی قەدەغەکردنی بەکارهێنانی تۆڕە کۆمەڵایەتییەکان سەریانهەڵدا، گیانلەدەستدانی 35 کەسی لێکەوتەوە، هاوکات زیاتر لە 15 هەزار زیندانی لە گرتووخانەکانی سەرانسەری وڵاتەکە هەڵاتوون.

چیرۆکی سەرەکی: هەفتەی ڕابردوو خۆپیشاندانی جەماوەری لە وڵاتی نیپال دەستیپێکرد، سەرۆکوەزیرانی ئەو وڵاتە دەستی لە کارکێشایەوە، شەڕ و گرژیی لە ناوخۆی وڵات ڕوویداوە کە بەهۆیەوە 35 کەس گیانیان لەدەست دا و 400ـی دیکە برینداربوون.

زانیاریی بەدەستهاتوو: بەپێی هەواڵێکی ڕۆژنامەی The Kathmandu Post ـی نیپاڵی، بەرپرسانی نیپاڵ ڕایانگەیاندووە کە ژمارەی ئەو کەسانەی لە خۆپیشاندانەکانی دژ بە حکومەت گیانیان لەدەستداوە بۆ 35 کەس بەرزبووەتەوە.

چی ڕوویدا: سەرەڕای ئەوەی خادگا پراساد شارما ئۆلی، سەرۆکوەزیرانی وڵاتەکە و زۆرێک لە وەزیرەکان دەستیان لەکارکێشایەوە، بەڵام خۆپیشاندانەکان تووندوتیژی زیاتری بەخۆیەوەبینی و بووە هۆی تێکچوونی دۆخی ئاسایش لە وڵاتەکەدا.

زانیاریی زیاتر: هێرشی خۆپیشاندەران بۆ سەر گرتووخانەکان، هەڵاتنی زیاتر لە 15 هەزار زیندانی لە 25 گرتووخانەی سەرانسەری وڵاتەکەی لێکەوتەوە.