قۆناغی دووەمی پرۆژەی کۆرنیشی کاولۆکان دەست پێدەکات

ئاڤا نیوز

قۆناغی دووەمی پرۆژەی گەشتیاریی کۆڕنیشی کاولۆکان، کە بەشێکە لە ماستەرپلانی گەشتیاریی ئیدارەی سەربەخۆی سۆران دەستپێدەکات و دەیان هەلی کار بۆ گەنجانی دەڤەرەکە دەڕەخسێنێت.

وێنە گەورەکە: ماستەرپلانی گەشتیاریی لە ئیدارەی سەربەخۆی سۆران، هەنگاو بە هەنگاو بەرەو پێشەوە دەچێت، کۆرنیشی کاولۆکان بەشێکە لەو ماستەرپلانە، یەک ویر و پێنج پۆند لەخۆدەگرێت گلدانەوەی ئاو کە یەکێک دەبێت لە تایبەتمەندییەکانی پرۆژەکە، پلانێکی بەردەوامی حکوومەتی هەرێمی کوردستانە، بە مەبەستی بووژاندنەوەی کەرتی گەشتیاری، کشتوکاڵی، زیادبوونی ئاوی ژێرزەوی و بەهێزکردنی سامانی ماسی.

لێدوانی فەرمی: ئەحمەد قادر، قایمقامی قەزای ڕواندز بە ئاڤای گوت، "لە ئایندەیەکی نزیک قۆناغی دووەمی پرۆژەکە دەستپێدەکات، ویری دیکە بۆ کۆرنیشەکە زیاد دەبن، لەوێوە ئاو بۆ چیای باپشتیان ڕادەکێشرێت."

ئەمەش بزانە: کۆڕنیشی کاولۆکان جگە لە خواردنگە، کافتریا و سەوزایی لەخۆدەگرێت، دەیان هەلی کار بۆ خەڵکی ناوچەکە دەڕەخسێنێت، سیمایەکی سەرنجڕاکێشتر بە ناوچەکە دەبەخشێت.