ژمارەی کوژراوانی گرژییەکەی نیپاڵ بۆ 72 کەس بەرزبووەوە

ئاڤا نیوز

حکومەتی نیپاڵ ئاماری نوێی کوژروان دەخاتەڕوو کە لە ئەنجامی گرژی و ئاڵۆزییەکانی ئەم  دواییە وڵاتەکە بوونە قوربانی، ئێستا ژمارەکە بۆ 72 کەس بەرزبووەتەوە.

چی ڕوودەدات: هەفتەی ڕابردوو خۆپیشاندانی جەماوەری لە وڵاتی نیپاڵ دەستیپێکرد، گرژیی و پێکدادان لە ناوخۆی وڵات ڕوویدا، ئەمەش بەهۆی قەدە‌غەکردنی بەکارهێنانی سۆشیاڵ میدیا بوو لەلایەن حکومەتی ئەو وڵاتەوە. 

بڵاوکراوەی فەرمی: حکومەتی ئەو وڵاتە ڕایگەیاندووە، لە ئەنجامی گرژی و ئاڵۆزییەکانی ئەم دواییە 72 کەس گیانیان لەدەستداوە،  191 کەسی دیکەش برینداربوون و  لەژێر چارەسەری پزیشکیدان.

لەلایەکی دیکەوە: سوشیلا کارکی، سەرۆکی پێشووی دادگای باڵای نیپاڵ، وەک سەرۆکوەزیرانی کاتیی ئەو وڵاتە دەستبەکاربووە.