نەتەوەیەکگرتووەکان هۆشداری لە ڕووخانی تەواوەتی شاری غەززە دەدات

ئاڤا نیوز

ڕێکخراوی ئونروا، سەر بە نەتەوەیەکگرتووەکان، لەبارەی دۆخی کەرتی غەززەوە هۆشداری دەدات و ڕایگەیاندووە کە ئەو ناوچەیە چی دیکە شیاوی ژیانکردن نییە.

وێنە گەورەکە: ماوەی 23 مانگە شەڕ لە کەرتی غەززە لە نێوان ئیسرائیل و حەماس بەردەوامە. ڕۆژانە ئیسرائیل هێرشی چڕ بۆ سەر کەرتەکە ئەنجام دەدات و خەڵکێکی زۆری مەدەنی دەکاتە ئامانج، جیا لە ئاوارەبوونی هەزاران کەس و کوژران و برینداربوونی چەندانی دیکە.

زانیاریی بەدەستهاتوو: دەزگای فریاگوزاری و کاری نەتەوەیەکگرتووەکان بۆ پەنابەرانی فەڵەستین (ئونروا) ڕایگەیاند، شاری غەززە بە تەواوی وێران بووە و خەریکە دەگۆڕێت بۆ خاکێکی بێ بەرهەم، و پێدەچێت ببێتە شوێنێک کە ژیانی تێدا نەمێنێت.

زانیاریی زیاتر: ڕێکخراوەکە هۆشداریدا لەوەی کە دۆخی منداڵانی غەززە وێرانە و ڕووبەڕووی برسییەتی و بەدخۆراکیی تووند بوونەتەوە. هەروەها ئونروا دەڵێت، خێزانەکان بە زۆر ناچار بە ئاوارەبوون دەکرێن.